You are currently viewing Vörustjórnunarfélag Íslands hefur vetrarstarfið með hálfs dags námskeiði um áskoranir í nútíma Vörustjórnun og athyglisverðar breytingar sem heimsfaraldur hefur í för með sér

Vörustjórnunarfélag Íslands hefur vetrarstarfið með hálfs dags námskeiði um áskoranir í nútíma Vörustjórnun og athyglisverðar breytingar sem heimsfaraldur hefur í för með sér.
Námskeiðið var áður á dagskrá á vordögum en vegna samkomutakmarkana komust ekki allir að sem vildu.
Námskeiðið fer fram miðvikudaginn 20. október nk. á 9. hæð í Húsi Verslunarinnar, en um er ræða hálfs dags námskeið frá kl. 9.00 til 12.00 með kaffihléi.
Kennari á námskeiðinu er Thomas Möller, verkfræðingur, MBA og rekstrarráðgjafi og stundakennari í rekstrarstjórnun, birgðastýringu og vörustjórnun við Háskólann á Bifröst.
Á námskeiðinu verður auk hefðbundins efnis vörustjórnunar fjallað um 10 mikilvægustu áherslur fyrirtækja til að takast á við áskoranir í breyttu rekstrarumhverfi.
Námskeiðið hentar innkaupa- og vörustjórnunarfólki á ýmsum stigum, og hentugur vettvangur að hitta kollega eftir langt hlé.
Opnað hefur verið fyrir skráningu með tölvupósti á síðu námskeiðsins.
Aðildarfyrirtækjum og öðrum félögum í Vörustjórnunarfélaginu býðst þriðjungs afsláttur á námskeiðið.

Umsögn

Mjög gott og þarft námskeið fyrir alla sem vinna í kringum vörustjórnun!
Bæði fer Thomas vel yfir vörustjórnun almennt og áskoranir sem þar felast, ásamt því að ræða nýjar áskoranir og lausnir sem koma upp í kjölfar heimsfaraldar.

Andri Sigurðsson
Vörustjóri Gagnalaugar
Product Owner – Icelandic GDSN Data Pool